Staðan eftir tvö bikarmót og úrslitin á Suðurstrandarvegi

Um síðustu helgi fór fram annað bikarmót ársins í götuhjólreiðum, Suðurstrandarmótið, og núna á föstudaginn fer fram þriðja bikarmótið, Tindur Classic í Hvalfirði. Það þýðir að þá verður þremur af fjórum bikarmótum ársins lokið. En hvernig standa leikar fyrir þriðju keppnina? Við skulum aðeins kíkja á það, allavega fyrir Elite-flokkana.

Fyrst skulum við þó rifja upp síðasta mót, en vegna tímaleysis náðist ekki að henda inn samantekt um það strax að móti loknu.

Samskipamótið í götuhjólreiðum fór fram 25. maí á Suðurstrandavegi og var þátttaka í keppninni með besta móti. Alls höfðu 128 skráð sig í bikarmót, þar af 50 í Elite flokkum en einnig höfðu um 70 í skráð sig í almenningsmót. Aðstæður voru einnig góðar, þurrt var í veðri og mótvindur á fyrri hluta leiðarinnar sem lá frá Grindavík til Þorlákshafnar. Elite flokkur karla hjólaði 141 km, frá Grindavík til Þorlákshafnar og til baka með viðkomu inn á Krýsuvíkurveg framhjá Kleifarvatni. Elite kvenna og masters karla hjólaði 113 km frá Grindavík til Þorlákshafnar og masters kvenna hjólaði 76 km leið.

Í Elite karla var þetta dagur Airport direct liðsins. Voru þrír þeirra í efstu fimm sætunum, þar af Birkir Snær Ingvason í fyrsta sæti og Óskar Ómarsson í öðru sæti. Hópurinn tvístraðist þegar ekki var liðið langt á keppnina og var níu manna hópur fremstur. Reyndar náðu hjólarar fyrir aftan hópnum en misstu fljótlega aftur af lestinni. Við Festarfjall á leiðinni til baka er fremsti hópur kominn í átta manns og eftir nokkrar árásir fram að brekkunni fór Birkir af stað í solo breik og kláraði það upp og niður í endamark, 42 sek á undan næstu mönnum. Fimm manna hópur átti svo endasprett þar sem Kristófer Gunnlaugsson tók lead-out fyrir Óskar í slag við Eyjólf Guðgeirsson, Hafstein Ægi Geirsson og Stefán Orra Ragnarsson. Endaði sem fyrr segir Óskar í öðru sæti, Eyjólfur í þriðja, Hafsteinn í fjórða, Kristófer í fimmta og Stefán í sjötta.

Í Elite kvenna og mastersflokki karla fór keppnin hratt af stað þar sem hópurinn slitnaði strax á Festarfjalli. Það breik lifði þó ekki lengi og við Krýsuvíkurafleggjara hafði stór hópur myndast sem hjólaði saman í átt að Þorlákshöfn. Á leiðinni til baka byrjuðu árásir að slíta hópinn á ný og þegar Festarfjall fór að nálgast voru um 12-15 hjólarar eftir í fremsta hóp. Töluverður hamagangur ríktu upp fjallið en að lokum var það Sæþór Ólafsson úr Breiðabliki sem kom fyrstur í mark og Guðlaugur Egilsson úr Bjarti þar næstur. Karen Axelsdóttir úr Tindi kom þriðja en hún er jafnframt sigurvegari í Elite flokki kvenna en næst á eftir henni var Ágústa Edda Björnsdóttir úr Tindi.

Þegar skoðuð eru stig í Elite flokkunum eftir þessi fyrstu mót kemur í ljós að það er talsverð spenna meðal hinna efstu. Enn er allt opið, en hafa þarf í huga að sumir sem eru ofarlega hafa aðeins tekið þátt í einu móti. Bikarreglurnar gera ráð fyrir því að bestu þrjú mót keppenda gildi og því gæti ein keppni sem viðkomandi hefur sleppt hingað til ekki komið að sök ef mætt er í næstu tvær keppnir. Þannig sigraði Ingvar Ómarsson fyrstu keppnina en var ekki með í Suðurstrandarveginum. Sama á við um Björk Kristjánsdóttir sem einnig sigraði Reykjanesmótið en tók ekki þátt í seinni keppninni. Heildarstöðuna í Elite flokkunum tveimur má sjá hér að neðan.

ELITE flokkur karla – staða eftir tvö mót (Reykjanes- og Suðurstrandarmótið):

Sæti	Nafn	Stig
1	Óskar Ómarsson	80
2	Birkir Snær Ingvason	76
3	Eyjólfur Guðgeirsson	64
4	Ingvar Ómarsson	50
5	Hafsteinn Ægir Geirsson	46
6	Bjarni Garðar Nicolaisson	36
7	Stefán Orri Ragnarsson	36
8	Kristófer Gunnlaugsson	36
9	Sigurður Stefánsson	30
10	Kristinn Jónsson	28
11	Rúnar Örn Ágústsson	23
12	Guðmundur Sveinsson	20
13	Páll Elísson	10
14	Steinar Þorbjörnsson	9
15	Kristjan Jakobsson	9
16	Fannar Gíslason	8
17	Eyþór Eiríksson	8
18	Birkir Jóhannsson	7
19	Ármann Gylfason	6
20	Agnar Örn Sigurðarson	5
21	Dennis van Eijk	5
22	Magni R. Sigurðsson	3
23	Aðalbjörn Þórólfsson	3
24	Gunnar Þór Jónsson	2
25	Hörður Ragnarsson	2
26	Steinar Thors	2
27	Arnar Gauti Reynisson	1
28	Pétur Árnason	1
29	Hrafnkell Már Stefánsson	1
30	Páll Ólafsson	1
31	Ólafur Þór Magnússon	1
32	Benedikt Sigurleifsson	1
33	Björn Arnar Hauksson	1
34	Stefán Karl Sævarsson	1
35	Hörður Ragnarsson	1
36	Gunnar Stefánsson	1
37	Jón Arnar Óskarsson	1
38	Aðalbjörn Þórólfsson	1
39	Jón Skaftason	1
40	Stefán Helgi Garðarsson	1
41	Baldur Helgi Þorkelsson	1
42	Jón Gunnar Kristinsson	1

ELITE flokkur kvenna – staða eftir tvö mót (Reykjanes- og Suðurstrandarmótið):

Sæti	Nafn	Stig
1	Karen Axelsdóttir	82
2	Ágústa Edda Björnsdóttir	80
3	Björk Kristjánsdóttir	50
4	Hafdís Sigurðardóttir	44
5	Bríet Kristý Gunnarsdóttir	32
6	Kolbrún Dröfn Ragnarsdóttir	26
7	Bríet Rún Águstsdóttir	25
8	Hrefna Sigurbjörg Jóhannsdóttir	24
9	Kristrún Lilja Júlíusdóttir	22
10	Hrönn Ólína Jörundsdóttir	22
11	Sigurlaug Helgadóttir	20
12	Margrét Pálsdóttir	20
13	Kristrún Lilja Júlíusdóttir	18
14	Silja Rúnarsdóttir	16
15	Freydís Heba Konráðsdóttir	14
16	Anna Kristín Pétursdóttir	12
17	Sigrún Guðmundsdóttir	8
18	Sigrún Rósa Hrólfsdóttir	7

Framundan er svo sem fyrr segir þriðja bikarmótið, Tindur classic, en það er haldið í Hvalfirði núna á föstudagskvöldið.

Forsíðuljósmynd: Airport direct liðið eftir góða frammistöðu á Suðurstrandarveginum síðustu helgi. Ljósmynd/ Finnur Þór Erlingsson