Fjórði þáttur – staða masters-flokkanna
Fjórði þátturinn af hlaðvarpi Hjólafrétta er kominn í loftið fyrir alla til að njóta yfir páskahátíðina. Í þessum þætti ræðum við núverandi keppnisflokkafyrirkomulag og veltum fyrir okkur stöðu masters-flokka og hvort þeir haldi jafnvel aftur af þróun hér á landi.
Þá er farið yfir ráðningu nýs afreksstjóra HRÍ og hvernig landsliðið geti virkað sem gulrót á stærri hóp en hefur verið.
Við förum líka yfir erlendar keppnir og hvort yfirfæra megi árangur Quicksteps á íslenska keppnislandslagið. Við rennum einnig yfir það hvað sé framundan á erlendum vettvangi. Gleðilega páska.
