Tveir dagar opnir í Jökulsárgljúfrum
Eins og undanfarin ár verður aðeins opið mjög tímabundið fyrir hjólreiðafólk að hjóla um í Jökulsárgljúfrum innan Vatnajökulsþjóðgarðar. Í ár verður opið tvo daga, helgina 25. og 26. ágúst.
Samkvæmt upplýsingum á vefsíðu þjóðgarðarins kemur fram að heimilt verði að hjóla á göngustígum meðfram gljúfrunum sem alla jafna séu lokaðir reiðhjólaumferð. Tekið er fram að þrátt fyrir að reiðhjólaumferð sé leyfð þessa daga verði göngufólk einnig á ferð þessa daga og því þurfi reiðhjólafólk að sýna aðgát.
